Stíflaðir sturtubotnar

Valur Helgason ehf. hefur á undanförnum árum verið eina fyrirtækið á Íslandi sem er með örsmáa myndavél sem hægt er að fara með t.d. niður um niðurföll í sturtubotnum. Staðsetningarbúnaður og dýptarmælir staðsetur stíflur og bilanir af mikilli nákvæmni á örskammri stundu. Stíflur eru oftast fjarlægðar með snigiltækni en þar sem lagnir eru sérstaklega viðkvæmar eða stíflaðar með harðgerðum aðskotahlutum er beitt þeirri tækni sem árangursríkust getur orðið í hverju tilfelli fyrir sig.

Þar sem plaströr og gúmmíþéttingar eru algengustu efnin í niðurföllum sturtubotna getur verið varasamt að nota kemískan stíflueyði í niðurföll. Í forvarnarskini ráðleggur Valur Helgason ehf. viðskiptavinum sínum að kaupa lausar ristar í niðurföllin sem safna hári og aðskotahlutum og koma þannig í veg fyrir stíflur. Slíkar ristar má fá í byggingavöruverslunum fyrir hóflegt verð.