Röramyndatökur fyrirtæki

Valur Helgason ehf. hefur yfir að ráða fullkomnustu röramyndavélum sem í boði eru á markaðnum. Allt frá örsmáum vélum sem komast niður í eldhúsvaska yfir í stærstu gerðir sem mynda lagnakerfi sveitarfélaga. Vélarnar eru með staðsetningarbúnaði og dýptarmælum sem staðsetja bilanir af mikilli nákvæmni. Ekki þarf því að leita bilana með því að grafa eða brjóta upp gólf nema nákvæmlega á þeim stað sem bilunin er.

Að myndatökum loknum fá viðskiptavinir afhent stafræn myndbönd á minnislykli með skýrum myndskeiðum af lögnunum. Slíkar myndir gera iðnaðarmönnum kleift að ganga hratt og örugglega fram í viðgerðum. Myndirnar nýtast einnig við samanburð í ástandskoðunum í framtíðinni. Hægt er að prenta út myndir af völdum stöðum ef þörf krefur.