Um okkur
Fyrirtækið Valur Helgason hefur síðastliðna hálfa öld safnað mikilli reynslu og sérþekkingu á öllum þáttum er viðkoma frárennslislagnir fyrirtækja, stofnana og heimila.
Nánari upplýsingar um fyrirtækið, starfsfólk, tækjabúnað, gildi og umhverfisstefnu þess er að finna á undir flipanum “Um fyrirtækið” hér að ofan.
Almennar upplýsingar
Valur Helgason ehf. hefur safnað mikilli reynslu og þekkingu á stíflulosun, röramyndatökum, rótarfræsingum og ýmsum öðrum þáttum er viðkoma frárennslislagnir fyrirtækja, stofnana og heimila. Fyrirtækið hefur verið starfrækt í um hálfa öld. Valur Helgason ehf. ber nafn stofnanda síns en árið 2002 keyptu þau Ragnar Kummer og Þóra Björk Sigurþórsdóttir fyrirtækið. Ragnar hafði þá verið einn af lykilstarfsmönnum þess um árabil.
Þjónusta fyrirtækisins er margþætt en við sérhæfum okkur meðal annars í að fjarlægja stíflur til dæmis úr eldhús- og baðvöskum, salernisrörum, baðkerum, niðurföllum, þaklögnum og drenlögnum auk fjölþættrar þjónustu við sveitarfélög, stofnanir og fyrirtæki.
Valur Helgason ehf. er staðsett í eigin húsnæði að Gylfaflöt 13, 112 Reykjavík. Símar fyrirtækisins eru 568 8806 og 896 1100. Netfangið er stifla@stifla.is.
Fyrirtækið leggur áherslu á að bjóða stuttan biðtíma á höfuðborgarsvæðinu og að stafsfólkið beri virðingu fyrir eignum þínum, heimili og tíma.
Starfsfólk
Ragnar Kummer, framkvæmdastjóri og eigandi
Þóra Björk Sigurþórsdóttir, skrifstofustjóri og eigandi
Rósar Guðnason, vélamaður
Sigurþór Ragnarsson, bifvélavirki og vélamaður
Bílar og tækjabúnaður
Valur Helgason ehf. vinnur eingöngu með fyrsta flokks tækjabúnað og eru starfsmenn fyrirtækisins vel tækjum búnir. Fyrirtækið á nokkrar sérhæfðar bifreiðar með öflugum útbúnað til stíflulosunar og fullkomnustu röramyndavélar sem í boði eru á markaðnum. Allt frá örsmáum vélum sem komast niður í eldhúsvaska yfir í hitamyndavélar. Myndavélarnar eru með staðsetningarbúnaði og dýptarmælum sem staðsetja bilanir, stíflur, falin niðurföll o.þ.h. af mikilli nákvæmni.
Gildi
Gildi Vals Helgasonar ehf. eru:
Fagmennska – Þekking – Traust
Með þessi hugtök að leiðarljósi grundvallar starfsfólk fyrirtækisins þjónustuna við viðskiptavini.
Umhverfisstefna
Valur Helgason ehf. stuðlar að góðri umgengni og verndun umhverfisins t.d. með því að farga spilliefnum á réttan hátt, minnka eins og frekast er kostur notkun mengandi efna og koma í veg fyrir hvers konar sóun.
Valur Helgason ehf. hefur ADR vottun fyrir spilliefni.